Gammalgrass på Fabrikken kulturscene

OBS! Stian Carstensen har melde avbod grunna sjukdom. Ein supervikar er på plass – Ola Erlien, leiar av Hot Club de Norvège, som tidlegare har spelt mykje både med Gammalgrass og medlemmane individuelt, blir stadfortredar for kvelden. Vi lovar eit forrykande show, med Ola Kvernberg, Ole Morten Vågan og Ola Erlien i førarsetet!Gammalgrass er ein supertrio i ordets rette forstand, der bandet kastar seg over bluegrass, folkemusikk og mykje anna, med ein forførande cocktail av tonespråk og utrydningstrua taktartar! Trioen har spelt land og strand rundt i Noreg, i tillegg til turnear i Tyskland og Europa, og er kjend for ublu musisering på høgt nivå, der tempoet til tider er like kjapt som stilskifta. Musikantane i Gammalgrass er blant dei beste (og mest spelesugne) i kongeriket, og saman utgjer dei eit sprudlande ensemble som med humor og overskot tek oss med på ei reise i eit hittil lite utforska musikalsk landskap – der dei fleste taktartar og sjangrar blir utsette for meir eller mindre respektlause tolkningar.