Intimkonsert i Vinsen med Åsmund Nesse

Konsert med Åsmund i VinsenMed det rykande ferske albumet Indiemann i bagasjen, det fjerde i slaget; - gler Åsmund seg til å koma til Vinsen i Melingsvåg for å spela ein intimkonsert og feira våren. Med seg har han den røynde kontrabassisten Edvard Mjanger. Ein konsert med Åsmund Nesse handlar om autentisk formidling. Den lyriske bogen hans spenner vidt frå mjuke og vare viser til dei fyrrigaste energiutblåsningar, trygt forankra i karakter og karisma. Tekstane dreg linjer frå den britiske folk-bølgja til vestnorske sprøytvaska svaberg.Denne kvelden tek han deg med gjennom ei dønn ærleg og musikalsk reise, med både skjemt og alvor, heilt utan staffasje. Det blir moglegheit til å handla drikke og snacks i baren. 18 års aldersgrense. Dørene opnar kl. 20:00 Konserten startar kl.21:00 Velkommen til ein knallkjekke konsert