Jul i Selje

Helgesenkoret skulle eigentleg ta pause frå julekonserten i år – men ungane sa eit rungande nei! Og godt er det, for no blir det både song, sprell og julestemning for heile bygda. I år står barna i sentrum, saman med SoulKids/Children, med Nanda Maack som korleiar og Line Dybedal som musikalsk leiar. Lokale musikarar, som organist Jon Inge Sigerland, bidreg til at det blir både flott lyd og ekte juleglede. Nye og gamle julesongar, latter og overraskingar – ein konsert som samlar små og store, og minner oss på kva jula handlar om.